ek saen saen ghere hai girte makan ko

ik saa.eñ saa.eñ ghere hai girte makān ko

aur āñkheñ tāktī haiñ chamaktī chaTān ko

chaḌhte hī mere ho ga.ī dīvār se alag

hasrat se dekhtā huuñ usī nardbāñ ko

andeshe duur duur ke nazdīk kā safar

kashtī ko dekhtā huuñ kabhī bādbān ko

zindān-e-roz-o-shab meñ hai ham sab ko umr-qaid

koī bachā.e aa ke mire ḳhāndān ko

yādoñ ke shor-o-ġhul meñ khaḌī ghar kī ḳhāmoshī

āvāz de rahī hai kisī mehrbān ko

barsoñ se ghūmtā hai isī tarah raat din

lekin zamīn miltī nahīñ āsmān ko

ek saen saen ghere hai girte makan ko

aur aankhen takti hain chamakti chaTan ko

chaDhte hi mere ho gai diwar se alag

hasrat se dekhta hun usi nardban ko

andeshe dur dur ke nazdik ka safar

kashti ko dekhta hun kabhi baadban ko

zindan-e-roz-o-shab mein hai hum sab ko umr-qaid

koi bachae aa ke mere KHandan ko

yaadon ke shor-o-ghul mein khaDi ghar ki KHamoshi

aawaz de rahi hai kisi mehrban ko

barson se ghumta hai isi tarah raat din

lekin zamin milti nahin aasman ko