ek saya-e-sham yaad aaya

ik sāya-e-shām yaad aayā

ḳhushbū kā ḳhirām yaad aayā

dhoyā huā saat pāniyoñ meñ

kyā naam thā naam yaad aayā

lahje meñ shaguftagī guloñ kī

ik shusta kalām yaad aayā

achchhā huā gor tak to pahuñche

yāroñ ko salām yaad aayā

ai mauja-e-bād kyā huā hai

kyā taaza payām yaad aayā

kuchh aur zamīñ meñ gaḌ ga.e ham

jab apnā maqām yaad aayā

maqtal se muḌ aa.e ghar ko 'gauhar'

shāyad koī kaam yaad aayā

ek saya-e-sham yaad aaya

KHushbu ka KHiram yaad aaya

dhoya hua sat paniyon mein

kya nam tha nam yaad aaya

lahje mein shaguftagi gulon ki

ek shusta kalam yaad aaya

achchha hua gor tak to pahunche

yaron ko salam yaad aaya

ai mauja-e-baad kya hua hai

kya taza payam yaad aaya

kuchh aur zamin mein gaD gae hum

jab apna maqam yaad aaya

maqtal se muD aae ghar ko 'gauhar'

shayad koi kaam yaad aaya