ek sehr-e-tahayyur tha ki ehsas ki rau thi

ik sehr-e-tahayyur thā ki ehsās kī rau thī

din ko bhī nigāhoñ meñ shabīh-e-mah-e-nau thī

ham log to vābasta-e-yak-tār-e-nazar the

mā'lūm nahīñ is ke sivā bhī koī lau thī

tab zehn pe zulmāt kā partav na paḌā thā

jhilmil the kamālāt ḳhayālāt meñ zau thī

phir ḳhvāb-e-ḳhirad-ḳhvār se bedār hue to

har zehn pe zañgār thā har chashm giro thī

ḳhas-ḳhāna-e-afkār meñ kuchh bhī to nahīñ thā

chand ek sharāre the aur un kī tag-o-dau thī

ek sehr-e-tahayyur tha ki ehsas ki rau thi

din ko bhi nigahon mein shabih-e-mah-e-nau thi

hum log to wabasta-e-yak-tar-e-nazar the

ma'lum nahin is ke siwa bhi koi lau thi

tab zehn pe zulmat ka partaw na paDa tha

jhilmil the kamalat KHayalat mein zau thi

phir KHwab-e-KHirad-KHwar se bedar hue to

har zehn pe zangar tha har chashm giro thi

KHas-KHana-e-afkar mein kuchh bhi to nahin tha

chand ek sharare the aur un ki tag-o-dau thi