ek shahanshah ke ezaz-o-laqab se aage

ik shahanshāh ke e'zāz-o-laqab se aage

'ishq rahtā hai har ik nām-o-nasab se aage

kitnā kuchh chhoḌ ke aa.e haiñ ye mā'lūm karo

ye na socho ki khaḌe ho ga.e sab se aage

maiñ zamāne se mulāqāt to kar luuñ lekin

dil nikaltā hī nahīñ terī talab se aage

is qadar tez na thī aap kī raftār magar

ho ga.e aap kisī aur sabab se aage

ye du'ā kī thī bhaTakne se bachā le koī

ek aahaT sī chalā kartī hai tab se aage

ek shahanshah ke e'zaz-o-laqab se aage

'ishq rahta hai har ek nam-o-nasab se aage

kitna kuchh chhoD ke aae hain ye ma'lum karo

ye na socho ki khaDe ho gae sab se aage

main zamane se mulaqat to kar lun lekin

dil nikalta hi nahin teri talab se aage

is qadar tez na thi aap ki raftar magar

ho gae aap kisi aur sabab se aage

ye du'a ki thi bhaTakne se bacha le koi

ek aahaT si chala karti hai tab se aage