ek shahr ziya-bar yahan bhi hai wahan bhi
ik shahr ziyā-bār yahāñ bhī hai vahāñ bhī
lekin mirā āzār yahāñ bhī vahāñ bhī
raushan mire andar ke añdheroñ meñ barābar
ik ātish-e-pindār yahāñ bhī hai vahāñ bhī
ahbāb mire ek hī jaise haiñ jahāñ haiñ
ik jazba-e-īsār yahāñ bhī hai vahāñ bhī
ik sub.h tire saath ka.ī miil chale the
us sub.h kā asrār yahāñ bhī hai vahāñ bhī
gar saath 'azīzo na mayassar ho tumhārā
jiinā mirā bekār yahāñ bhī hai vahāñ bhī
hai jis kī ravānī se lahū garm hamārā
vo chashma-e-bedār yahāñ bhī hai vahāñ bhī
āñkhoñ se mire dil meñ samāyā hai jo 'ash.har'
us shoḳh kī sarkār yahāñ bhī hai vahāñ bhī
ek shahr ziya-bar yahan bhi hai wahan bhi
lekin mera aazar yahan bhi wahan bhi
raushan mere andar ke andheron mein barabar
ek aatish-e-pindar yahan bhi hai wahan bhi
ahbab mere ek hi jaise hain jahan hain
ek jazba-e-isar yahan bhi hai wahan bhi
ek subh tere sath kai mil chale the
us subh ka asrar yahan bhi hai wahan bhi
gar sath 'azizo na mayassar ho tumhaara
jina mera bekar yahan bhi hai wahan bhi
hai jis ki rawani se lahu garm hamara
wo chashma-e-bedar yahan bhi hai wahan bhi
aankhon se mere dil mein samaya hai jo 'ashhar'
us shoKH ki sarkar yahan bhi hai wahan bhi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
