ek shama anjuman mein jalati rahi hun main

ik sham.a anjuman meñ jalātī rahī huuñ maiñ

jal jal ke diip ḳhud hī banātī rahī huuñ maiñ

kyā pūchhte ho ab mirī sāñsoñ kā rābta

ro-ro ke haal sab ko batātī rahī huuñ maiñ

har baar zindagī ne diyā ik nayā fareb

phir zindagī se aas lagātī rahī huuñ maiñ

shāḳhoñ se pūchhtī rahī hai sar-phirī havā

kis ke liye zamīn sajātī rahī huuñ maiñ

rakhe hue khaḌī huuñ mohabbat muñDer par

dīvār nafratoñ kī girātī rahī huuñ maiñ

haiñ ābgīna jaise mirī zindagī ke rañg

tūfāñ se ā.inoñ ko bachātī rahī huuñ maiñ

ban jaa.eñ kal saroñ pe ye saaya ghaner sā

paude jagah jagah pe lagātī rahī huuñ maiñ

nargis kahā kisī ne kisī ne kahā hai gul

āñkheñ zamīñ ke beach ugātī rahī huuñ maiñ

ek shama anjuman mein jalati rahi hun main

jal jal ke dip KHud hi banati rahi hun main

kya puchhte ho ab meri sanson ka rabta

ro-ro ke haal sab ko batati rahi hun main

har bar zindagi ne diya ek naya fareb

phir zindagi se aas lagati rahi hun main

shaKHon se puchhti rahi hai sar-phiri hawa

kis ke liye zamin sajati rahi hun main

rakhe hue khaDi hun mohabbat munDer par

diwar nafraton ki giraati rahi hun main

hain aabgina jaise meri zindagi ke rang

tufan se aainon ko bachati rahi hun main

ban jaen kal saron pe ye saya ghaner sa

paude jagah jagah pe lagati rahi hun main

nargis kaha kisi ne kisi ne kaha hai gul

aankhen zamin ke beach ugati rahi hun main