ek shikayat hai hamein us girya-e-ghammaz se

ik shikāyat hai hameñ us girya-e-ġhammāz se

haa.e un ko kar diyā āgāh dil ke raaz se

haiñ tire anjām meñ hirmān-o-hasrat hī nihāñ

ye ayaañ hai qissa-e-ulfat tire āġhāz se

bad-gumānī is dil-e-majrūh par fariyād kī

kab sadā-e-soz aatī hai shikasta saaz se

kyā ġhazab haiñ us ke barq-e-husn kī tābāniyāñ

ik ujālā sā huvaidā hai jabīn-e-nāz se

terī jumbish ke maiñ sadqe ai lab-e-mo.ajiz-numā

ḳhuft-gān-e-baḳht jaag uTThe tirī āvāz se

merī barq-e-āh dil meñ hī taḌap kar rah ga.ī

murġh-e-bismil kī tarah nā-āshnā parvāz se

hai shab-e-ġham meñ faqat us kā tasavvur hī 'anīs'

aao kuchh bāteñ hī kar leñ hamdam-o-hamrāz se

ek shikayat hai hamein us girya-e-ghammaz se

hae un ko kar diya aagah dil ke raaz se

hain tere anjam mein hirman-o-hasrat hi nihan

ye ayan hai qissa-e-ulfat tere aaghaz se

bad-gumani is dil-e-majruh par fariyaad ki

kab sada-e-soz aati hai shikasta saz se

kya ghazab hain us ke barq-e-husn ki tabaniyan

ek ujala sa huwaida hai jabin-e-naz se

teri jumbish ke main sadqe ai lab-e-moajiz-numa

KHuft-gan-e-baKHt jag uTThe teri aawaz se

meri barq-e-ah dil mein hi taDap kar rah gai

murgh-e-bismil ki tarah na-ashna parwaz se

hai shab-e-gham mein faqat us ka tasawwur hi 'anis'

aao kuchh baaten hi kar len hamdam-o-hamraaz se