ek soch aai dil mein tere intizar ki

ik soch aa.ī dil meñ tire intizār kī

aur apne-āp baḌh ga.ī raftār car kī

ye mājrā hai shahr meñ āvārgī kā dost

so baat is meñ dasht kī aa.e na ḳhaar kī

vo camere se jhaT mire kamre meñ aa ga.ī

us ḳhush-badan ne aaj bahut duur maar kī

dekhe baġhair vasl kī manzil ko sar kiyā

jismoñ ne ab sadā kī ravish iḳhtiyār kī

ab tez rābtoñ kī banīñ sūrateñ hazār

sūrat bachī na ek tire intizār kī

aks-o-sadā ne barq kī sūrat safar kiyā

pal meñ ḳhabar milī hai samundar ke paar kī

satreñ samajh ke roz lakīreñ paḌhā kiye

ham ne tirī hathelī kahānī shumār kī

apnī hī mauj mauj se pal pal muqābla

dariyā ne naav kitnī musībat se paar kī

ek soch aai dil mein tere intizar ki

aur apne-ap baDh gai raftar car ki

ye majra hai shahr mein aawargi ka dost

so baat is mein dasht ki aae na KHar ki

wo camere se jhaT mere kamre mein aa gai

us KHush-badan ne aaj bahut dur mar ki

dekhe baghair wasl ki manzil ko sar kiya

jismon ne ab sada ki rawish iKHtiyar ki

ab tez rabton ki banin suraten hazar

surat bachi na ek tere intizar ki

aks-o-sada ne barq ki surat safar kiya

pal mein KHabar mili hai samundar ke par ki

satren samajh ke roz lakiren paDha kiye

hum ne teri hatheli kahani shumar ki

apni hi mauj mauj se pal pal muqabla

dariya ne naw kitni musibat se par ki