ek tabassum hama-ayyam-e-giran-bari bhi

ik tabassum hama-ayyām-e-girāñ-bārī bhī

ne’mat-e-ḳhuld hai fitrat meñ subuksārī bhī

ik zamāne baḌā ḳhāmosh rahā zehn-e-rasā

ab to bāhar ko ubaltī hai ye almārī bhī

'ain mumkin hai tanaffus kī suhūlat na rahe

kis ko raas aa.ī hai marzī se giraftārī bhī

jang kā faisla 'ujlat meñ nahīñ karnā thā

tū qabīla bhī gañvā baiThā hai sardārī bhī

dost barsoñ se yahī taur chalā aatā hai

mirā īqān salāmat tirī 'ayyārī bhī

ham dil-e-ḳhānamāñ-barbād liye phirte haiñ

haa.e kyā shai hai mohabbat kī ‘azā-dārī bhī

ek tabassum hama-ayyam-e-giran-bari bhi

ne’mat-e-KHuld hai fitrat mein subuksari bhi

ek zamane baDa KHamosh raha zehn-e-rasa

ab to bahar ko ubalti hai ye almari bhi

'ain mumkin hai tanaffus ki suhulat na rahe

kis ko ras aai hai marzi se giraftari bhi

jang ka faisla 'ujlat mein nahin karna tha

tu qabila bhi ganwa baiTha hai sardari bhi

dost barson se yahi taur chala aata hai

mera iqan salamat teri 'ayyari bhi

hum dil-e-KHanaman-barbaad liye phirte hain

hae kya shai hai mohabbat ki ‘aza-dari bhi