ek umr ki aur zarurat hai wahi sham-o-sahar karne ke liye
ek umr ki aur zarurat hai wahi sham-o-sahar karne ke liye
Ahmad Mushtaq
MORE BYAhmad Mushtaq
ik umr kī aur zarūrat hai vahī shām-o-sahar karne ke liye
vo baat jo tum se kah na sake use bār-e-digar karne ke liye
kabhī zikr kiyā tirī zulfoñ kā aur jaatī shaam ko rok liyā
kabhī yaad kiyā tire chehre ko āġhāz-e-sahar karne ke liye
fōt-pāth pe bhī sone na diyā tire shahr ke izzat-dāroñ ne
ham kitnī duur se aa.e the ik raat basar karne ke liye
us aañkh ne jis kī qismat meñ sach-much ke dar-o-dīvār na the
ḳhvāboñ ke nagar ābād kiye hasrat kī nazar karne ke liye
is behis duniyā ke aage kisī lahr kī pesh nahīñ jaatī
ab bahr kā bahr uchhāl koī ise zer-o-zabar karne ke liye
ek umr ki aur zarurat hai wahi sham-o-sahar karne ke liye
wo baat jo tum se kah na sake use bar-e-digar karne ke liye
kabhi zikr kiya teri zulfon ka aur jati sham ko rok liya
kabhi yaad kiya tere chehre ko aaghaz-e-sahar karne ke liye
foot-path pe bhi sone na diya tere shahr ke izzat-daron ne
hum kitni dur se aae the ek raat basar karne ke liye
us aankh ne jis ki qismat mein sach-much ke dar-o-diwar na the
KHwabon ke nagar aabaad kiye hasrat ki nazar karne ke liye
is behis duniya ke aage kisi lahr ki pesh nahin jati
ab bahr ka bahr uchhaal koi ise zer-o-zabar karne ke liye
- Book : Auraaq-e-Khezani (Pg. 53)
- Author : Ahmad Mushtaq
- Publication : Rekhta Foundation (2015)
- Edition : 2015
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
