ek uski hansi aur adaon ki dhun

ik us kī hañsī aur adāoñ kī dhun

badal de rahī hai havāoñ kī dhun

ye tū ne hī kholīñ haiñ zulfeñ yā phir

kisī ne bajā.ī hai chhāñv kī dhun

inheñ gar tū rakh de mire siine par

to dhaḌkan sunā.egī paañv kī dhun

sunātī hai jis dhun meñ maañ loriyāñ

kuchh aisī hī hogī ḳhudāoñ kī dhun

mire kānoñ meñ ab bhī maujūd hai

vo hoñToñ se niklī duāoñ kī dhun

mohabbat ke sur tujh se rūThe haiñ 'sāz'

na bajtī thī tujh se vafāoñ kī dhun

ek us ki hansi aur adaon ki dhun

badal de rahi hai hawaon ki dhun

ye tu ne hi kholin hain zulfen ya phir

kisi ne bajai hai chhanw ki dhun

inhen gar tu rakh de mere sine par

to dhaDkan sunaegi panw ki dhun

sunati hai jis dhun mein man loriyan

kuchh aisi hi hogi KHudaon ki dhun

mere kanon mein ab bhi maujud hai

wo honTon se nikli duaon ki dhun

mohabbat ke sur tujh se ruThe hain 'saz'

na bajti thi tujh se wafaon ki dhun