ek wahi KHush-jamal thoDi hai

ik vahī ḳhush-jamāl thoḌī hai

husn vāloñ kā kaal thoḌī hai

tazkira be-vafā kā ho rahā hai

ye tumhārī misāl thoḌī hai

ye jo hijrat hai 'ārzī hai janāb

mustaqil intiqāl thoḌī hai

dard-e-hijrāñ ne ye kiyā sābit

har kisī ko zavāl thoḌī hai

kyuuñ tujhe shāmil-e-darūd karūñ

to mohammad kī aal thoḌī hai

tujhe apnā samajh ke māñgā hai

har kisī se savāl thoḌī hai

kyā zarūrī hai sab zabāñ se kahūñ

chashm-e-pur-nam kā haal thoḌī hai

ye mohabbat rahegī mahshar tak

ek shab kā visāl thoḌī hai

aañkh bhar ke vo dekhtā hai mujhe

is kā matlab visāl thoḌī hai

jaao naḳhvat tumheñ mubārak ho

husn vāloñ kā kaal thoḌī hai

hijr kā mashvara mufīd hogā

dost hai bad-sigāl thoḌī hai

bose ab lenā chhoḌiye sāhab

gul hai ye us kā gaal thoḌī hai

un kī nazar-e-karam meñ shāmil huuñ

is meñ merā kamāl thoḌī hai

use andhā bhī dekh saktā hai

ye badar hai hilāl thoḌī hai

ḳhaak miTTī tale dabā.ī ga.ī

ruuh kā intiqāl thoḌī hai

ḳhvāb chubhte rahe haiñ āñkhoñ meñ

rang vaise hī laal thoḌī hai

fikr lāhiq hai rozī-roTī kī

mujh ko terā ḳhayāl thoḌī hai

saañs ūñchā luuñ maiñ madīne meñ

merī itnī majāl thoḌī hai

us se bachnā muhāl hai yaaro

mere dushman kī chaal thoḌī hai

dil ko Thokar zarā sī lag ga.ī hai

is kā matlab zavāl thoḌī hai

chhīn saktā nahīñ koī mujh se

'ilm hai ye manāl thoḌī hai

saare 'ushshāq shaad phirte haiñ

ye barahman kā saal thoḌī hai

jab bhī chāho uThā do 'zamzam' ko

ye faqīroñ kā baal thoḌī hai

ek wahi KHush-jamal thoDi hai

husn walon ka kal thoDi hai

tazkira be-wafa ka ho raha hai

ye tumhaari misal thoDi hai

ye jo hijrat hai 'arzi hai janab

mustaqil intiqal thoDi hai

dard-e-hijran ne ye kiya sabit

har kisi ko zawal thoDi hai

kyun tujhe shamil-e-darud karun

to mohammad ki aal thoDi hai

tujhe apna samajh ke manga hai

har kisi se sawal thoDi hai

kya zaruri hai sab zaban se kahun

chashm-e-pur-nam ka haal thoDi hai

ye mohabbat rahegi mahshar tak

ek shab ka visal thoDi hai

aankh bhar ke wo dekhta hai mujhe

is ka matlab visal thoDi hai

jao naKHwat tumhein mubarak ho

husn walon ka kal thoDi hai

hijr ka mashwara mufid hoga

dost hai bad-sigal thoDi hai

bose ab lena chhoDiye sahab

gul hai ye us ka gal thoDi hai

un ki nazar-e-karam mein shamil hun

is mein mera kamal thoDi hai

use andha bhi dekh sakta hai

ye badar hai hilal thoDi hai

KHak miTTi tale dabai gai

ruh ka intiqal thoDi hai

KHwab chubhte rahe hain aankhon mein

rang waise hi lal thoDi hai

fikr lahiq hai rozi-roTi ki

mujh ko tera KHayal thoDi hai

sans uncha lun main madine mein

meri itni majal thoDi hai

us se bachna muhaal hai yaro

mere dushman ki chaal thoDi hai

dil ko Thokar zara si lag gai hai

is ka matlab zawal thoDi hai

chhin sakta nahin koi mujh se

'ilm hai ye manal thoDi hai

sare 'ushshaq shad phirte hain

ye barahman ka sal thoDi hai

jab bhi chaho uTha do 'zamzam' ko

ye faqiron ka baal thoDi hai