ek wahi shaKHs jise rahat-e-jaan kahta hun
ik vahī shaḳhs jise rāhat-e-jāñ kahtā huuñ
haañ usī shaḳhs ko maiñ jī kā ziyāñ kahtā huuñ
munsif-e-shahr us āvāz se Dar jaatā hai
maiñ jise ġhoġha-e-āvāz-e-sagāñ kahtā huuñ
sar use kahtā huuñ jis meñ ho shahādat kā junūñ
haq-goī par jo kaTe us ko zabāñ kahtā huuñ
vaa.e taqdīr vo jis baat pe kahte haiñ nahīñ
be-irāda maiñ usī baat pe haañ kahtā huuñ
ai 'naresh' aap jise tarz-e-bayāñ kahte haiñ
maiñ use aap kā andāz-e-fuġhāñ kahtā huuñ
ek wahi shaKHs jise rahat-e-jaan kahta hun
han usi shaKHs ko main ji ka ziyan kahta hun
munsif-e-shahr us aawaz se Dar jata hai
main jise ghogha-e-awaz-e-sagan kahta hun
sar use kahta hun jis mein ho shahadat ka junun
haq-goi par jo kaTe us ko zaban kahta hun
wae taqdir wo jis baat pe kahte hain nahin
be-irada main usi baat pe han kahta hun
ai 'naresh' aap jise tarz-e-bayan kahte hain
main use aap ka andaz-e-fughan kahta hun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
