اک وہی وقت سب سے پیارا تھا
اک وہی وقت سب سے پیارا تھا
تیری صحبت میں جو گزارا تھا
تو نہ آیا مگر تجھے میں نے
آخری سانس تک پکارا تھا
ہار کا غم بھی کم نہیں لیکن
جیتنے میں بہت خسارا تھا
اب تو ہر شے اداس لگتی ہے
کل ہر اک پھول کتنا پیارا تھا
ٹوٹ کر ہو گیا کہیں غائب
میری قسمت میں جو ستارا تھا
کیا خبر تھی کہ تیری زلفوں کو
غیر نے بھی بہت سنوارا تھا
کتنا ویران کر گیا دل کو
تو بہاروں کا استعارا تھا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
