ek yaad thi kisi ki jo baadal bani rahi

ik yaad thī kisī kī jo bādal banī rahī

sahrā-nasīb ke liye chhāñv ghanī rahī

vo naqsh huuñ jo ban ke bhī ab tak na ban sakā

vo baat huuñ jo kah ke bhī nāguftanī rahī

patthar kā but, samajh ki ye kis shai ko chhū liyā

barsoñ tamām jism meñ ik sansanī rahī

is jān-e-gul ko dekhte kaise ki aaj tak

ik rañg-o-bū kī sāmne chādar tanī rahī

vo dhund thī ki kuchh bhī dikhā.ī na de sakā

vo habs thā ki kaifiyat-e-jāñkanī rahī

ek yaad thi kisi ki jo baadal bani rahi

sahra-nasib ke liye chhanw ghani rahi

wo naqsh hun jo ban ke bhi ab tak na ban saka

wo baat hun jo kah ke bhi naguftani rahi

patthar ka but, samajh ki ye kis shai ko chhu liya

barson tamam jism mein ek sansani rahi

is jaan-e-gul ko dekhte kaise ki aaj tak

ek rang-o-bu ki samne chadar tani rahi

wo dhund thi ki kuchh bhi dikhai na de saka

wo habs tha ki kaifiyat-e-jaankani rahi