ek yahi shaghl to main dam hama-dam karta hun

ik yahī shaġhl to maiñ dam hama-dam kartā huuñ

dasht ke baa'd tire kūche meñ ram kartā huuñ

chashm be-ḳhvābī ke 'ālam se guzartī hai mirī

aur maiñ ḳhvāb-e-ma'ānī ko raqam kartā huuñ

ḳhvāh vo zaat meñ ā.īna-e-ḳhud-sar kahlā.e

maiñ bahar-hāl baḌe nāz-o-ni'am kartā huuñ

maiñ sar-e-bazm tirī shoḳhī-e-vahshat ke huzūr

jaañ khapātā huuñ bahut tab koī ġham kartā huuñ

rang-o-farhang se tasḳhīr ziyāda na huī

aur pahle se maiñ ummīd bhī kam kartā huuñ

sar-basar ‘umr-e-do-roza to mujhe sahl nahīñ

ik alag vaz' se maiñ ḳhud ko baham kartā huuñ

kab vo paiġhām-rasā ho ki mujhe sabr nahīñ

kākul-e-ḳham ke liye she'r raqam kartā huuñ

ek yahi shaghl to main dam hama-dam karta hun

dasht ke ba'd tere kuche mein ram karta hun

chashm be-KHwabi ke 'alam se guzarti hai meri

aur main KHwab-e-ma'ani ko raqam karta hun

KHwah wo zat mein aaina-e-KHud-sar kahlae

main bahar-haal baDe naz-o-ni'am karta hun

main sar-e-bazm teri shoKHi-e-wahshat ke huzur

jaan khapata hun bahut tab koi gham karta hun

rang-o-farhang se tasKHir ziyaada na hui

aur pahle se main ummid bhi kam karta hun

sar-basar ‘umr-e-do-roza to mujhe sahl nahin

ek alag waz' se main KHud ko baham karta hun

kab wo paigham-rasa ho ki mujhe sabr nahin

kakul-e-KHam ke liye she'r raqam karta hun