ek zara si dil ki hasrat tum se ulfat aur tum

ik zarā sī dil kī hasrat tum se ulfat aur tum

bas hai itnī sī zarūrat thoḌī rāhat aur tum

muddatoñ se muḳhtalif haiñ merī qismat aur tum

kyoñ muqaddar meñ nahīñ tum se mohabbat aur tum

ho bahut masrūf tum yā hai koī nārāzgī

saath meñ milte nahīñ ab thoḌī fursat aur tum

tum bichhaḌ kar bhī na mujh se ho sake pal-bhar judā

mujh meñ baaqī hai tumhārī har ik aadat aur tum

apne āñgan se nahīñ kuchh dūriyoñ se hī sahī

hai mujhe hāsil tumhāre gul kī nik.hat aur tum

huuñ baḌī mushkil meñ apne dil-makāñ ko dekh kar

saath kaise rah sakeñge is meñ vahdat aur tum

munhasir tum par hai mere dil kī har ik aarzū

ek minnat ek jannat ek farhat aur tum

ek zara si dil ki hasrat tum se ulfat aur tum

bas hai itni si zarurat thoDi rahat aur tum

muddaton se muKHtalif hain meri qismat aur tum

kyon muqaddar mein nahin tum se mohabbat aur tum

ho bahut masruf tum ya hai koi naraazgi

sath mein milte nahin ab thoDi fursat aur tum

tum bichhaD kar bhi na mujh se ho sake pal-bhar juda

mujh mein baqi hai tumhaari har ek aadat aur tum

apne aangan se nahin kuchh duriyon se hi sahi

hai mujhe hasil tumhaare gul ki nikhat aur tum

hun baDi mushkil mein apne dil-makan ko dekh kar

sath kaise rah sakenge is mein wahdat aur tum

munhasir tum par hai mere dil ki har ek aarzu

ek minnat ek jannat ek farhat aur tum