ilahi aa na paDe phir koi gham-e-taza
ilāhī aa na paḌe phir koī ġham-e-tāza
uḌā uḌā sā hai rū-e-nigār kā ġhāza
abhī to kitne haiñ jin par harām hai saaqī
kahīñ ye toḌ na deñ mai-kade kā darvāza
ab inqilāb kī zad meñ hai terī duniyā bhī
bahut bachā ke tū dāman chalī thī tannāza
ye ek qatra-e-ḳhūñ markaz-e-do-ālam hai
tumheñ nahīñ hai dil-e-nā-tavāñ kā andāza
bharī bahār meñ ye merī chāk-dāmānī
na jaane kab kā uThānā paḌā hai ḳhamyāza
ilahi aa na paDe phir koi gham-e-taza
uDa uDa sa hai ru-e-nigar ka ghaza
abhi to kitne hain jin par haram hai saqi
kahin ye toD na den mai-kade ka darwaza
ab inqilab ki zad mein hai teri duniya bhi
bahut bacha ke tu daman chali thi tannaza
ye ek qatra-e-KHun markaz-e-do-alam hai
tumhein nahin hai dil-e-na-tawan ka andaza
bhari bahaar mein ye meri chaak-damani
na jaane kab ka uThana paDa hai KHamyaza
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
