ilahi jaan di hai maine kis ke ru-e-raushan par
![Mirza Abdul Ghafoor Gorgani arshad Mirza Abdul Ghafoor Gorgani arshad](https://www.rekhta.org/Content/Images/quillm.png)
ilahi jaan di hai maine kis ke ru-e-raushan par
Mirza Abdul Ghafoor Gorgani arshad
MORE BYMirza Abdul Ghafoor Gorgani arshad
ilāhī jaan dī hai maiñ ne kis ke rū-e-raushan par
hazāroñ sham.eñ parvāna banī haiñ mere madfan par
ta.ajjub kyā ḳhamīda ho agar talvār qātil kī
chaḌhā hai ḳhuun kis kis be-gunah kā us kī gardan par
vo be-insāf aur apnī vafā kī daad yā qismat
gumān-e-dostī hai sādgī se ham ko dushman par
ajab us jalva-e-yaktā meñ nairañg-e-tamāshā hai
na.ī sūrat se chamkā ḳhātir-e-shaiḳh-o-barahman par
maiñ huuñ marhūn-e-minnat sulh-e-kul kā jab se ai 'arshad'
yaqīn-e-dostī hone lagā hai mujh ko dushman par
ilahi jaan di hai main ne kis ke ru-e-raushan par
hazaron shamen parwana bani hain mere madfan par
tajjub kya KHamida ho agar talwar qatil ki
chaDha hai KHun kis kis be-gunah ka us ki gardan par
wo be-insaf aur apni wafa ki dad ya qismat
guman-e-dosti hai sadgi se hum ko dushman par
ajab us jalwa-e-yakta mein nairang-e-tamasha hai
nai surat se chamka KHatir-e-shaiKH-o-barahman par
main hun marhun-e-minnat sulh-e-kul ka jab se ai 'arshad'
yaqin-e-dosti hone laga hai mujh ko dushman par
- Book : Noquush (Pg. B-382 E-394)
- Publication : Nuqoosh Press Lahore (May June 1954)
- Edition : May June 1954
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.