ilahi KHair ho wo aaj kyun kar tan ke baiThe hain
ilahi KHair ho wo aaj kyun kar tan ke baiThe hain
Sardar Genda Singh Mashriqi
MORE BYSardar Genda Singh Mashriqi
ilāhī ḳhair ho vo aaj kyuuñ kar tan ke baiThe haiñ
kisī ke qatl karne ko bhabhūkā ban ke baiThe haiñ
subuk-sar hai vahī jo dūsroñ ke ghar pe jaatā hai
jo apne ghar meñ baiThe haiñ vo lākhoñ man ke baiThe haiñ
ġhazab hai qahr hai shāmat hai aafat hai qayāmat hai
baġhal meñ vo adū ke aaj kyuuñ ban-Than ke baiThe haiñ
kaheñ kyā mudda.ā apnā sunā.eñ rāz-e-dil kyuuñ kar
hamāre sāmne kuchh aadmī dushman ke baiThe haiñ
maza kunj-e-lahad meñ kyuuñ na luuñ maiñ sāġhar-e-mul kā
ki bāda-ḳhvār paas aa kar mire madfan ke baiThe haiñ
ḳhudā ke vāste un ko nikal kar jalva dikhlā do
ki ḳhvāhish-mand kūche meñ tire chitvan ke baiThe haiñ
haiñ pyāse ham to muddat ke pilā de jām-e-mai saaqī
vo jab chāheñ piyeñ jo muntazir sāvan ke baiThe haiñ
tabī.at ho to aisī ho jo aadat ho to aisī ho
abhī vo tan ke baiThe the abhī vo man ke baiThe haiñ
agar raġhbat na ho is dahr meñ muuzī ko muuzī se
to kyuuñ ḳhār-e-muġhīlāñ paañv meñ rahzan ke baiThe haiñ
nahīñ ma.alūm kis ko tāḌte haiñ kis se va.ada hai
ba-vaqt-e-shām paas aa kar jo vo chilman ke baiThe haiñ
nahīñ parvā agar ai 'mashriqī' un ko balā jaane
agar vo haiñ khiñche baiThe to ham bhī tan ke baiThe haiñ
ilahi KHair ho wo aaj kyun kar tan ke baiThe hain
kisi ke qatl karne ko bhabhuka ban ke baiThe hain
subuk-sar hai wahi jo dusron ke ghar pe jata hai
jo apne ghar mein baiThe hain wo lakhon man ke baiThe hain
ghazab hai qahr hai shamat hai aafat hai qayamat hai
baghal mein wo adu ke aaj kyun ban-Than ke baiThe hain
kahen kya muddaa apna sunaen raaz-e-dil kyun kar
hamare samne kuchh aadmi dushman ke baiThe hain
maza kunj-e-lahad mein kyun na lun main saghar-e-mul ka
ki baada-KHwar pas aa kar mere madfan ke baiThe hain
KHuda ke waste un ko nikal kar jalwa dikhla do
ki KHwahish-mand kuche mein tere chitwan ke baiThe hain
hain pyase hum to muddat ke pila de jam-e-mai saqi
wo jab chahen piyen jo muntazir sawan ke baiThe hain
tabiat ho to aisi ho jo aadat ho to aisi ho
abhi wo tan ke baiThe the abhi wo man ke baiThe hain
agar raghbat na ho is dahr mein muzi ko muzi se
to kyun KHar-e-mughilan panw mein rahzan ke baiThe hain
nahin malum kis ko taDte hain kis se wada hai
ba-waqt-e-sham pas aa kar jo wo chilman ke baiThe hain
nahin parwa agar ai 'mashriqi' un ko bala jaane
agar wo hain khinche baiThe to hum bhi tan ke baiThe hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
