ilahi koi hawa ka jhonka dikha de chehra uDa ke aanchal

ilāhī koī havā kā jhoñkā dikhā de chehra uḌā ke āñchal

ki jhāñktā bhī hai vo sitam-gar to khaḌkhaḌī meñ lagā ke āñchal

zarūr Dhā.egā koī aafat zarūr fitna bapā karegā

ye terā aTkheliyoñ se chalnā jhukā ke gardan uThā ke āñchal

jo tum ko manzūr hai phir aanā tumhīñ kaho phir ye kaisā jaanā

jatā ke ġhussa sunā ke bāteñ chaḌhā ke tevarī chhuḌā ke āñchal

zamāna furqat kā jaa.e yā-rab vo vaqt vo din bhī aa.e yā-rab

adā karūñ maiñ tirā dogānā khaḌe raheñ vo bichhā ke āñchal

zarūr haiñ kuchh na kuchh kashīda ki rahte haiñ duur duur ham se

jo paas bhī aa ke baiThte haiñ to zer-e-zānū dabā ke āñchal

tumheñ hai sāhib lihāz kis kā ye kosnā chupke chupke kaisā

duā karūñ maiñ ragaḌ ke māthā kaho tum āmīn uThā ke āñchal

tirā ye buuTā sā qad qayāmat pe chaal matvālī aafat aafat

ye pyārī sūrat sitam dupaTTa ġhazab kī rañgat balā ke āñchal

samajh le ye dil meñ 'āsmāñ' tū vo loT haiñ tere loTne par

jo oḌh kar laTpaTā dupaTTa luTāte haiñ adbadā ke āñchal

ilahi koi hawa ka jhonka dikha de chehra uDa ke aanchal

ki jhankta bhi hai wo sitam-gar to khaDkhaDi mein laga ke aanchal

zarur Dhaega koi aafat zarur fitna bapa karega

ye tera aTkheliyon se chalna jhuka ke gardan uTha ke aanchal

jo tum ko manzur hai phir aana tumhin kaho phir ye kaisa jaana

jata ke ghussa suna ke baaten chaDha ke tewari chhuDa ke aanchal

zamana furqat ka jae ya-rab wo waqt wo din bhi aae ya-rab

ada karun main tera dogana khaDe rahen wo bichha ke aanchal

zarur hain kuchh na kuchh kashida ki rahte hain dur dur hum se

jo pas bhi aa ke baiThte hain to zer-e-zanu daba ke aanchal

tumhein hai sahib lihaz kis ka ye kosna chupke chupke kaisa

dua karun main ragaD ke matha kaho tum aamin uTha ke aanchal

tera ye buTa sa qad qayamat pe chaal matwali aafat aafat

ye pyari surat sitam dupaTTa ghazab ki rangat bala ke aanchal

samajh le ye dil mein 'asman' tu wo loT hain tere loTne par

jo oDh kar laTpaTa dupaTTa luTate hain adbada ke aanchal