ilaj koi jahan ka na sazgar aaya

ilaaj koī jahāñ kā na sāzgār aayā

kisī tarah bhī na dil ko mire qarār aayā

payām maut kā le kar ḳhayāl-e-yār aayā

ajal kī gard meñ hī ziist ko qarār aayā

nigāh-e-lutf ke tālib haiñ jo vo haiñ kam-zarf

hameñ to ulTā jafāoñ pe terī pyaar aayā

ye kis kī yaad se raushan huī 'mīr' duniyā

ye kis kā naam mire lab pe baar baar aayā

ḳhushī se baḌh ke qadam mere ābloñ ne liye

koī jo raah mohabbat meñ ḳhār-zār aayā

na koī lauT ke aayā dayār-e-ulfat se

jo koī bhī 'nayyar' ba-hāl-e-zār aayā

ilaj koi jahan ka na sazgar aaya

kisi tarah bhi na dil ko mere qarar aaya

payam maut ka le kar KHayal-e-yar aaya

ajal ki gard mein hi zist ko qarar aaya

nigah-e-lutf ke talib hain jo wo hain kam-zarf

hamein to ulTa jafaon pe teri pyar aaya

ye kis ki yaad se raushan hui 'mir' duniya

ye kis ka nam mere lab pe bar bar aaya

KHushi se baDh ke qadam mere aablon ne liye

koi jo rah mohabbat mein KHar-zar aaya

na koi lauT ke aaya dayar-e-ulfat se

jo koi bhi 'nayyar' ba-haal-e-zar aaya