imkan ki hadon se nikal kar bhi dekh lo

imkān kī hadoñ se nikal kar bhī dekh lo

maiñ kar rahā huuñ apnī fazā ke umas se jang

maiñ huuñ anā ke koh-e-falak-bos kā raqīb

mujh ko ravā nahīñ hai kisī ḳhār-o-ḳhas se jang

har ek pankhuḌī se ġhizā chuus lī ga.ī

phūloñ kī der tak rahī jaarī magas se jang

jab bhī karoge haq ko miTāne kī justujū

mīnāroñ masjidoñ kī rahegī kalas se jang

is nā-tavānī-e-shab-e-ġham meñ bhī ai 'valī'

kartā rahā huuñ roz maiñ do-chār das se jang

imkan ki hadon se nikal kar bhi dekh lo

main kar raha hun apni faza ke umas se jang

main hun ana ke koh-e-falak-bos ka raqib

mujh ko rawa nahin hai kisi KHar-o-KHas se jang

har ek pankhuDi se ghiza chus li gai

phulon ki der tak rahi jari magas se jang

jab bhi karoge haq ko miTane ki justuju

minaron masjidon ki rahegi kalas se jang

is na-tawani-e-shab-e-gham mein bhi ai 'wali'

karta raha hun roz main do-chaar das se jang