imkanon se aage mere dosh paDi hain

imkānoñ se aage mere dosh paḌī haiñ

jānī-pahchānī āvāzeñ gosh paḌī haiñ

tab se huuñ kis sannāTe meñ kyā batlā.ūñ

kuchh pahchāneñ jab se mere hosh paḌī haiñ

tārīkī kyā zāhir kar pā.egī un ko

raushniyoñ meñ jo shakleñ rū-posh paḌī haiñ

ḳhvāb ajdād ke beToñ kā rasta takte haiñ

daur-e-falak par ta.abīreñ ḳhāmosh paḌī haiñ

nutfe jo bāzār se aa.e haiñ kis ke haiñ

ye bāteñ ab tak na kisī ke hosh paḌī haiñ

mustaqbil had-darja ḳhush-ā.inde huā hai

pichhlī qadroñ se nasleñ be-gosh paḌī haiñ

pushtoñ par sannāTā taarī hone ko hai

aulādeñ ham-jinsī meñ mad.hosh paḌī haiñ

sust-ḳhirāmoñ ne phir se manzil maarī hai

raftīzoñ kī nīndeñ phir ḳhargosh paḌī haiñ

imkanon se aage mere dosh paDi hain

jaani-pahchani aawazen gosh paDi hain

tab se hun kis sannaTe mein kya batlaun

kuchh pahchanen jab se mere hosh paDi hain

tariki kya zahir kar paegi un ko

raushniyon mein jo shaklen ru-posh paDi hain

KHwab ajdad ke beTon ka rasta takte hain

daur-e-falak par tabiren KHamosh paDi hain

nutfe jo bazar se aae hain kis ke hain

ye baaten ab tak na kisi ke hosh paDi hain

mustaqbil had-darja KHush-ainde hua hai

pichhli qadron se naslen be-gosh paDi hain

pushton par sannaTa tari hone ko hai

auladen ham-jinsi mein madhosh paDi hain

sust-KHiramon ne phir se manzil mari hai

raftizon ki ninden phir KHargosh paDi hain