imtihan zabt ka phir bazm-e-gah-e-naz mein hai
imtihan zabt ka phir bazm-e-gah-e-naz mein hai
Abdur Rasheed Khan Kaifi Mahkari
MORE BYAbdur Rasheed Khan Kaifi Mahkari
imtihāñ zabt kā phir bazm-e-gah-e-nāz meñ hai
jalva-e-tūr nigāh-e-ġhalat-andāz meñ hai
ahl-e-dil dīda-e-tar dekh ke pahchān ga.e
maiñ samajhtā thā mirī baat abhī raaz meñ hai
āshiyāne ko nahīñ barq-navāzī se panāh
ek hī lutf vahī soz meñ hai saaz meñ hai
mere miTne kā kareñ sog kisī ke dushman
kyuuñ udāsī sī kisī jalva-gah-e-nāz meñ hai
jān-e-naġhma hai mire TuuTe hue dil kī sadā
ik yahī tār-e-shikasta hai jo har saaz meñ hai
gul-o-bulbul se adāvat nahīñ 'kaifī' lekin
kyuuñ huuñ bezār chaman se ye abhī raaz meñ hai
imtihan zabt ka phir bazm-e-gah-e-naz mein hai
jalwa-e-tur nigah-e-ghalat-andaz mein hai
ahl-e-dil dida-e-tar dekh ke pahchan gae
main samajhta tha meri baat abhi raaz mein hai
aashiyane ko nahin barq-nawazi se panah
ek hi lutf wahi soz mein hai saz mein hai
mere miTne ka karen sog kisi ke dushman
kyun udasi si kisi jalwa-gah-e-naz mein hai
jaan-e-naghma hai mere TuTe hue dil ki sada
ek yahi tar-e-shikasta hai jo har saz mein hai
gul-o-bulbul se adawat nahin 'kaifi' lekin
kyun hun bezar chaman se ye abhi raaz mein hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
