in dinon wo idhar nahin aata
in dinoñ vo idhar nahīñ aatā
apnā jiinā nazar nahīñ aatā
us kī vā'da-ḳhilāfiyāñ dekho
aane kahtā hai par nahīñ aatā
ghar-ba-ghar tū paḌā phire hai to
aah kyuuñ mere ghar nahīñ aatā
qāsid us bevafā se yuuñ kahnā
likh tū kuchh bhej gar nahīñ aatā
go ki rahtā hai ye jaras nālāñ
mere nāloñ se par nahīñ aatā
yaar rātoñ ko tere kūche meñ
kab ye ḳhasta-jigar nahīñ aatā
aur kahte nahīñ raqīb use
lab kuchh mujh ko Dar nahīñ aatā
kis liye 'joshish' itnī nāla-kashī
kuchh asar to nazar nahīñ aatā
in dinon wo idhar nahin aata
apna jina nazar nahin aata
us ki wa'da-KHilafiyan dekho
aane kahta hai par nahin aata
ghar-ba-ghar tu paDa phire hai to
aah kyun mere ghar nahin aata
qasid us bewafa se yun kahna
likh tu kuchh bhej gar nahin aata
go ki rahta hai ye jaras nalan
mere nalon se par nahin aata
yar raaton ko tere kuche mein
kab ye KHasta-jigar nahin aata
aur kahte nahin raqib use
lab kuchh mujh ko Dar nahin aata
kis liye 'joshish' itni nala-kashi
kuchh asar to nazar nahin aata
- Deewan-e-Joshish(Rekhta Website)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
