aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

in gesuon mein shana-e-arman na kijiye

Hafeez Jalandhari

in gesuon mein shana-e-arman na kijiye

Hafeez Jalandhari

MORE BYHafeez Jalandhari

    in gesuoñ meñ shāna-e-armāñ na kījiye

    ḳhūn-e-jigar se dāvat-e-mizhgāñ na kījiye

    mar jā.iye na kījiye zikr-e-bahisht-o-hūr

    ab ḳhvāb ko bhī ḳhvāb-e-pareshāñ na kījiye

    baaqī ho jo bhī hashr yahīñ par uThā.iye

    marne ke ba.ad ziist sāmāñ na kījiye

    dozaḳh ko dījiye na parāgandagī mirī

    shīrāza-e-bahisht pareshāñ na kījiye

    shāyad yahī jahāñ kisī majnūñ ghar bane

    vīrāna bhī agar hai to vīrāñ na kījiye

    kyā nāḳhudā baġhair koī Dūbtā nahīñ

    mujh ko mire ḳhudā se pashemāñ na kījiye

    hai but-kade meñ bhī use īmān ḳhayāl

    kyuuñ e'tibār-e-mard-e-musalmāñ na kījiye

    ham se ye bār-e-lutf uThāyā na jā.egā

    ehsāñ ye kījiye ki ye ehsāñ na kījiye

    ā.īna dekhiye mirī sūrat na dekhiye

    maiñ ā.īna nahīñ mujhe hairāñ na kījiye

    azīz-e-ḳhātir-e-ahbāb hai 'hafīz'

    kyā kījiye agar tujhe qurbāñ na kījiye

    in gesuon mein shana-e-arman na kijiye

    KHun-e-jigar se dawat-e-mizhgan na kijiye

    mar jaiye na kijiye zikr-e-bahisht-o-hur

    ab KHwab ko bhi KHwab-e-pareshan na kijiye

    baqi ho jo bhi hashr yahin par uThaiye

    marne ke baad zist ka saman na kijiye

    dozaKH ko dijiye na paragandagi meri

    shiraaza-e-bahisht pareshan na kijiye

    shayad yahi jahan kisi majnun ka ghar bane

    virana bhi agar hai to viran na kijiye

    kya naKHuda baghair koi Dubta nahin

    mujh ko mere KHuda se pasheman na kijiye

    hai but-kade mein bhi use iman ka KHayal

    kyun e'tibar-e-mard-e-musalman na kijiye

    hum se ye bar-e-lutf uThaya na jaega

    ehsan ye kijiye ki ye ehsan na kijiye

    aaina dekhiye meri surat na dekhiye

    main aaina nahin mujhe hairan na kijiye

    tu hi aziz-e-KHatir-e-ahbab hai 'hafiz'

    kya kijiye agar tujhe qurban na kijiye

    Source:

    Kulliyat-e-Hafeez Jalandhari (Pg. 463)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now