in lafzon mein KHud ko DhunDungi main bhi
in lafzoñ meñ ḳhud ko DhūñDūñgī maiñ bhī
apnī anā kā manzar dekhūñgī maiñ bhī
koī mire baare meñ na kuchh bhī jaan sake
ab aisā lahja apnā.ūñgī maiñ bhī
āñkhoñ se chun kar sab TūTe-phūTe ḳhvāb
patthar kī ḳhvāhish ban jā.ūñgī maiñ bhī
maiñ ḳhud apnī soch kī mujrim Thahrī huuñ
ab ye adālat ḳhud hī jhelūñgī maiñ bhī
kis kis rañg meñ ilhāmāt utarte haiñ
kis kis kī rūdādeñ likkhūñgī maiñ bhī
tasvīroñ ke maddham rañg batāte haiñ
apne ko pahchān na pā.ūñgī maiñ bhī
dukh meñ 'humairā' apnī hifāzat karne ko
pichhle sabhī aaseb bulā.ūñgī maiñ bhī
in lafzon mein KHud ko DhunDungi main bhi
apni ana ka manzar dekhungi main bhi
koi mere bare mein na kuchh bhi jaan sake
ab aisa lahja apnaungi main bhi
aankhon se chun kar sab TuTe-phuTe KHwab
patthar ki KHwahish ban jaungi main bhi
main KHud apni soch ki mujrim Thahri hun
ab ye adalat KHud hi jhelungi main bhi
kis kis rang mein ilhamat utarte hain
kis kis ki rudaden likkhungi main bhi
taswiron ke maddham rang batate hain
apne ko pahchan na paungi main bhi
dukh mein 'humaira' apni hifazat karne ko
pichhle sabhi aaseb bulaungi main bhi
- Book : URDU INTERNATIONAL (Pg. 141)
- Author : Ashfaq Hussain
- Publication : 9-Thirty fifth Street, Suite 2, Toronto, Ontario, Canada M8W 3J8 (February 1983,Issue No: 1 ,Volume 2)
- Edition : February 1983,Issue No: 1 ,Volume 2
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
