in qurbaton ke zaKHm se Dar jaana chahiye

in qurbatoñ ke zaḳhm se Dar jaanā chāhiye

is rāste se ham ko mukar jaanā chāhiye

bharte haiñ rāt-din kisī zaḳhmī badan kā peT

logoñ meñ jo ḳhalā hai vo bhar jaanā chāhiye

jitne sipurd-e-shauq haiñ āvāz de unheñ

mā'lūm kar ki ham ko kidhar jaanā chāhiye

pochh.enge aur kitnā pasīna jabīñ se ham

itnī shadīd dhuup hai mar jaanā chāhiye

kab tak kareñge tere jahāñ kā 'ilāj ham

ab tujh ko āsmāñ se utar jaanā chāhiye

ai āsmāñ maiñ chāñd sitāroñ kā kyā karūñ

mere nasīb se ye sifar jaanā chāhiye

is zindagī ke ḳhvāb ko ab alvidāa' kareñ

muddat se ye ḳhayāl thā mar jaanā chāhiye

ham se koī kahe ki jahāñ ke zurūf ko

bhar jaanā chāhiye ki bikhar jaanā chāhiye

āsā.ishoñ kī god meñ khilte nahīñ kañval

jis raah par ho ḳhaar udhar jaanā chāhiye

ġham dil ke dasht ke liye paanī se kam nahīñ

chehre ko ġham se aur nikhar jaanā chāhiye

in qurbaton ke zaKHm se Dar jaana chahiye

is raste se hum ko mukar jaana chahiye

bharte hain raat-din kisi zaKHmi badan ka peT

logon mein jo KHala hai wo bhar jaana chahiye

jitne sipurd-e-shauq hain aawaz de unhen

ma'lum kar ki hum ko kidhar jaana chahiye

pochhenge aur kitna pasina jabin se hum

itni shadid dhup hai mar jaana chahiye

kab tak karenge tere jahan ka 'ilaj hum

ab tujh ko aasman se utar jaana chahiye

ai aasman main chand sitaron ka kya karun

mere nasib se ye sifar jaana chahiye

is zindagi ke KHwab ko ab alwidaa' karen

muddat se ye KHayal tha mar jaana chahiye

hum se koi kahe ki jahan ke zuruf ko

bhar jaana chahiye ki bikhar jaana chahiye

aasaishon ki god mein khilte nahin kanwal

jis rah par ho KHar udhar jaana chahiye

gham dil ke dasht ke liye pani se kam nahin

chehre ko gham se aur nikhar jaana chahiye