ان صلیبوں کے دار کے معنی
میں سمجھتا ہوں پیار کے معنی
ریشمی بازوؤں میں کھلتے ہیں
ایک دل کش حصار کے معنی
ابروئے نیم کش سے وابستہ
تیغ ترکش کٹار کے معنی
ایک غنچہ دہن کے ہونٹوں پر
کھل رہے ہیں بہار کے معنی
ہم بھی عہد ستم کے باغی ہیں
ہم سے زندہ ہیں غار کے معنی
بوڑھا برگد اداس پگڈنڈی
سر تا پا انتظار کے معنی
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
