inhen KHabar hai inhen mujhse kaam koi nahin

inheñ ḳhabar hai inheñ mujh se kaam koī nahīñ

so in ġhulāmoñ meñ merā ġhulām koī nahīñ

jo nang-e-she'r haiñ nang-e-adab haiñ rusvā haiñ

ḳhudā kā shukr mirā un meñ naam koī nahīñ

har ek she'r ḳhudā kī 'atā se hotā hai

ai mere dost yahāñ harf-e-ḳhām koī nahīñ

kahīñ se miltī hai ḳhairāt sab ko lafzoñ kī

yahāñ vagarna suḳhan kā imaam koī nahīñ

sabhī badan ke pujārī sabhī havas ke ġhulām

qalam-qabīle meñ siitā kā raam koī nahīñ

ye log kaun sī shohrat kī baat karte haiñ

jab is jahāñ meñ kisī ko davām koī nahīñ

vo ḳhud hī karte haiñ apnā maqām tai 'vāsif'

jo jānte haiñ ki un kā maqām koī nahīñ

inhen KHabar hai inhen mujh se kaam koi nahin

so in ghulamon mein mera ghulam koi nahin

jo nang-e-she'r hain nang-e-adab hain ruswa hain

KHuda ka shukr mera un mein nam koi nahin

har ek she'r KHuda ki 'ata se hota hai

ai mere dost yahan harf-e-KHam koi nahin

kahin se milti hai KHairaat sab ko lafzon ki

yahan wagarna suKHan ka imam koi nahin

sabhi badan ke pujari sabhi hawas ke ghulam

qalam-qabile mein sita ka ram koi nahin

ye log kaun si shohrat ki baat karte hain

jab is jahan mein kisi ko dawam koi nahin

wo KHud hi karte hain apna maqam tai 'wasif'

jo jaante hain ki un ka maqam koi nahin