inhin ulma ke hathon din ko dinar hona hai

inhīñ ulmā ke hāthoñ diin ko dīnār honā hai

vo din nazdīk hai jis din inheñ finnār honā hai

bahut ḳhush ho rahe ho kar ke bai'at kā taqāzā tum

abhī tum jānte kyā ho abhī inkār honā hai

ye kis ġhaflat meñ ho ai dosto bedār ho jaao

kisī mard-e-mujāhid ke liye tayyār honā hai

abhī se tum pareshāñ ho abhī dekhā hī kyā tum ne

kisī din to tumhī ko qāfila-sālār honā hai

safar mushkil hai har ik faisle par ġhaur karnā tum

kahāñ par mom honā hai kahāñ talvār honā hai

tumhārī mushkileñ āsān hoñgī jab vo ā.eñge

abhī majbūr ho lekin tumheñ muḳhtār honā hai

naqāb-e-ruḳh abhī ik shaḳhs kā uThne ko baaqī hai

vo jab parda haTā.eñge tumheñ dīdār honā hai

bahut jaldī uḌā deñge yazīd-e-vaqt kī nīñdeñ

abhī zanjīr pahnī hai abhī jhankār honā hai

hamārī raah meñ bikhre haiñ jo har samt angāre

are 'rizvān' isī ātish ko to gulzār honā hai

inhin ulma ke hathon din ko dinar hona hai

wo din nazdik hai jis din inhen finnar hona hai

bahut KHush ho rahe ho kar ke bai'at ka taqaza tum

abhi tum jaante kya ho abhi inkar hona hai

ye kis ghaflat mein ho ai dosto bedar ho jao

kisi mard-e-mujahid ke liye tayyar hona hai

abhi se tum pareshan ho abhi dekha hi kya tum ne

kisi din to tumhi ko qafila-salar hona hai

safar mushkil hai har ek faisle par ghaur karna tum

kahan par mom hona hai kahan talwar hona hai

tumhaari mushkilen aasan hongi jab wo aaenge

abhi majbur ho lekin tumhein muKHtar hona hai

naqab-e-ruKH abhi ek shaKHs ka uThne ko baqi hai

wo jab parda haTaenge tumhein didar hona hai

bahut jaldi uDa denge yazid-e-waqt ki ninden

abhi zanjir pahni hai abhi jhankar hona hai

hamari rah mein bikhre hain jo har samt angare

are 'rizwan' isi aatish ko to gulzar hona hai