inhin zamini KHudaon ke zer-e-dast hun main

inhīñ zamīnī ḳhudāoñ ke zer-e-dast huuñ maiñ

maiñ jāntā hī nahīñ thā ki kitnā past huuñ maiñ

pa-e-sharāb bhalā shaiḳh se ulajhnā kyā

ḳhudā-parast hai vo aur butāñ-parast huuñ maiñ

kisī kī mast-nigāhoñ se mast rahtā huuñ

zamāna mujh ko samajhtā hai bāda-mast huuñ maiñ

jahān bhar ke ġhamoñ kā Thikāna rakhtā huuñ

kushāda dil hai mirā garche tang-dast huuñ maiñ

maiñ apne hāthoñ meñ sar apnā le ke phirtā huuñ

ki sarkashoñ ke qabīle kā sar-parast huuñ maiñ

ki mujh ko yuuñ to koī bhī harā nahīñ saktā

par ahl-e-dil ke liye qābil-e-shikast huuñ maiñ

inhin zamini KHudaon ke zer-e-dast hun main

main jaanta hi nahin tha ki kitna past hun main

pa-e-sharab bhala shaiKH se ulajhna kya

KHuda-parast hai wo aur butan-parast hun main

kisi ki mast-nigahon se mast rahta hun

zamana mujh ko samajhta hai baada-mast hun main

jahan bhar ke ghamon ka Thikana rakhta hun

kushada dil hai mera garche tang-dast hun main

main apne hathon mein sar apna le ke phirta hun

ki sarkashon ke qabile ka sar-parast hun main

ki mujh ko yun to koi bhi hara nahin sakta

par ahl-e-dil ke liye qabil-e-shikast hun main