insan ba-yak nigah bura bhi bhala bhi hai
insāñ ba-yak nigāh burā bhī bhalā bhī hai
ya.anī vo musht-e-ḳhāk to hai kīmiyā bhī hai
ai ġham-nasīb kis se hai mumkin tirā ilaaj
ai bad-nasīb tere maraz kī davā bhī hai
kyuuñ kar kaheñ ki jis ko ḳhudā.ī na thī qubūl
vo be-niyāz aap ke dar kā gadā bhī hai
tere vajūd se bhalā inkār ho kise
ai tū ki zarre zarre meñ jalva-numā bhī hai
banda-navāziyoñ pe na itrā.iye bahut
banda-navāz aap se baḌh kar ḳhudā bhī hai
sho.ala se duur rahiye ki shā.ir sahī magar
ziddī hai bevaqūf hai dil kā burā bhī hai
insan ba-yak nigah bura bhi bhala bhi hai
yani wo musht-e-KHak to hai kimiya bhi hai
ai gham-nasib kis se hai mumkin tera ilaj
ai bad-nasib tere maraz ki dawa bhi hai
kyun kar kahen ki jis ko KHudai na thi qubul
wo be-niyaz aap ke dar ka gada bhi hai
tere wajud se bhala inkar ho kise
ai tu ki zarre zarre mein jalwa-numa bhi hai
banda-nawaziyon pe na itraiye bahut
banda-nawaz aap se baDh kar KHuda bhi hai
shoala se dur rahiye ki shair sahi magar
ziddi hai bewaquf hai dil ka bura bhi hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
