insaniyat ke nam ko ruswa na kijiye

insāniyat ke naam ko rusvā na kījiye

mat kījiye burā bhī gar achchhā na kījiye

ye mo.ajizoñ kā daur nahīñ hai mire huzūr

qātil se zindagī kī tamanna na kījiye

parde se ḳhūbiyoñ ke dikheñgī burā.iyāñ

insān ko qarīb se dekhā na kījiye

mat Dhāliye usūloñ ko sāñche meñ vaqt ke

yuuñ maslahat kī aañch pe pighlā na kījiye

ḳhuddāriyoñ kī maut hai ḳhud aadmī kī maut

dast-e-talab ko sūrat-e-kāsa na kījiye

duniyā na bhuul jaa.e mohabbat kī dāstāñ

'ārif' ḳhudā ke vāste aisā na kījiye

insaniyat ke nam ko ruswa na kijiye

mat kijiye bura bhi gar achchha na kijiye

ye moajizon ka daur nahin hai mere huzur

qatil se zindagi ki tamanna na kijiye

parde se KHubiyon ke dikhengi buraiyan

insan ko qarib se dekha na kijiye

mat Dhaaliye usulon ko sanche mein waqt ke

yun maslahat ki aanch pe pighla na kijiye

KHuddariyon ki maut hai KHud aadmi ki maut

dast-e-talab ko surat-e-kasa na kijiye

duniya na bhul jae mohabbat ki dastan

'arif' KHuda ke waste aisa na kijiye