intiha sabr-azmai ki

intihā sabr-āzmā.ī kī

hai darāzī shab-e-judā.ī kī

hai burā.ī nasīb kī ki mujhe

tum se ummīd hai bhalā.ī kī

naqsh hai sañg-e-āstāñ pe tire

dāstāñ apnī jubba-sā.ī kī

tum se kuchh mil ke ḳhush huā huuñ ki huuñ

dahr meñ hasrat āshnā.ī kī

hai fuġhāñ ba.ad-e-imtihān-e-fuġhāñ

phir shikāyat hai nā-rasā.ī kī

kyā na kartā visāl-e-shādī-e-marg

tum ne kyuuñ mujh se kaj-adā.ī kī

raaz khulte ga.e mire sab par

jis qadar us ne ḳhud-numā.ī kī

kitne aajiz haiñ ham ki paate haiñ

bande bande meñ lau ḳhudā.ī kī

rah ga.iiñ dil meñ hasrateñ 'sālik'

aa ga.ī umr pārsā.ī kī

intiha sabr-azmai ki

hai daraazi shab-e-judai ki

hai burai nasib ki ki mujhe

tum se ummid hai bhalai ki

naqsh hai sang-e-astan pe tere

dastan apni jubba-sai ki

tum se kuchh mil ke KHush hua hun ki hun

dahr mein hasrat aashnai ki

hai fughan baad-e-imtihan-e-fughan

phir shikayat hai na-rasai ki

kya na karta visal-e-shadi-e-marg

tum ne kyun mujh se kaj-adai ki

raaz khulte gae mere sab par

jis qadar us ne KHud-numai ki

kitne aajiz hain hum ki pate hain

bande bande mein lau KHudai ki

rah gain dil mein hasraten 'salik'

aa gai umr parsai ki