intiKHab-e-nigah-e-shauq ko mushkil bhi nahin

intiḳhāb-e-nigah-e-shauq ko mushkil bhī nahīñ

koī ā.īna tirā aaj muqābil bhī nahīñ

kaun se gul kī ḳhabar bād-e-sahar laa.ī hai

sehn-e-gulshan meñ kahīñ shor-e-anādil bhī nahīñ

jaane ab kaun sī manzil meñ meñ arbāb-e-junūñ

duur tak dasht meñ āvāz-e-salāsil bhī nahīñ

tiir aate haiñ kamīñ-gāh se merī jānib

merī taqdīr meñ kyā jalva-e-qātil bhī nahīñ

tujh se aur chashm-e-tavajjoh kā gilā kyā ma.anī

terā fitrat tire iḳhlās ke qābil bhī nahīñ

intiKHab-e-nigah-e-shauq ko mushkil bhi nahin

koi aaina tera aaj muqabil bhi nahin

kaun se gul ki KHabar baad-e-sahar lai hai

sehn-e-gulshan mein kahin shor-e-anadil bhi nahin

jaane ab kaun si manzil mein mein arbab-e-junun

dur tak dasht mein aawaz-e-salasil bhi nahin

tir aate hain kamin-gah se meri jaanib

meri taqdir mein kya jalwa-e-qatil bhi nahin

tujh se aur chashm-e-tawajjoh ka gila kya mani

tera fitrat tere iKHlas ke qabil bhi nahin