انتظار مدام باقی ہے
صبح باقی ہے شام باقی ہے
پوچھنا ہم سے ہائے ساقی کا
کیا کوئی تشنہ کام باقی ہے
اب محبت کہاں زمانے میں
ہاں محبت کا نام باقی ہے
یہ پس و پیش کا نہیں ہنگام
میکدہ چند گام باقی ہے
ہوس ننگ و نام خواب ہوئی
دل بے ننگ و نام باقی ہے
سخت حیراں ہے گردش ایام
آج بھی دور جام باقی ہے
ہم کلامی کے باوجود روشؔ
احتیاط کلام باقی ہے
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
