intizar ki had tak intizar karna tha

intizār kī had tak intizār karnā thā

e.atibār kī had tak e.atibār karnā thā

hāl-e-dil to kahnā thā muḳhtasar magar qāsid

iḳhtisār kī had tak iḳhtisār karnā thā

ḳhvāb ho ki bedārī-e-āh-o-nāla-o-zārī

iḳhtiyār kī had tak iḳhtiyār karnā thā

us ne hasb-e-āsā.ish kī adū ko fahmā.ish

ḳhāksār kī had tak ḳhāksār karnā thā

na.ash bhī mirī us ne qabr meñ na rahne dī

be-dayār kī had tak be-dayār karnā thā

yaas ho ki sarmastī chaak jāma-e-hastī

taar taar kī had tak taar taar karnā thā

ai 'tamīz' yāroñ par nā-tavāñ sahāroñ par

inhisār kī had tak inhisār karnā thā

intizar ki had tak intizar karna tha

eatibar ki had tak eatibar karna tha

haal-e-dil to kahna tha muKHtasar magar qasid

iKHtisar ki had tak iKHtisar karna tha

KHwab ho ki bedari-e-ah-o-nala-o-zari

iKHtiyar ki had tak iKHtiyar karna tha

us ne hasb-e-asaish ki adu ko fahmaish

KHaksar ki had tak KHaksar karna tha

nash bhi meri us ne qabr mein na rahne di

be-dayar ki had tak be-dayar karna tha

yas ho ki sarmasti chaak jama-e-hasti

tar tar ki had tak tar tar karna tha

ai 'tamiz' yaron par na-tawan sahaaron par

inhisar ki had tak inhisar karna tha