irade kya hue lambe hamare

irāde kyā hue lambe hamāre

qadam paḌte nahīñ chhoTe hamāre

baḌhā hai darmiyāñ ye pyaar jab jab

hue haiñ kis qadar jhagḌe hamāre

samajhtā thā baḌā ma.asūm us ko

uḌe haiñ ishq meñ tote hamāre

lagī hai shart dekhegā palaT kar

hue sab ta.aziye ThanDe hamāre

yahīñ to dekhnā hai vaqt-e-mushkil

raheñge saath meñ kitne hamāre

shajar kī chāshnī us meñ ghulī hai

samar koī nahīñ phīke hamāre

bulāte haiñ tumheñ din-rāt kitnā

qarīne se saje kamre hamāre

le aa.ī ik jagah par ham ko qudrat

hue haiñ duur sab ḳhadshe hamāre

chalī hai vaqt ne ye chaal kaisī

piTe ik baar meñ mohre hamāre

yahī sach thā safar se vāpsī kā

kabhī vāpas nahīñ lauTe hamāre

irade kya hue lambe hamare

qadam paDte nahin chhoTe hamare

baDha hai darmiyan ye pyar jab jab

hue hain kis qadar jhagDe hamare

samajhta tha baDa masum us ko

uDe hain ishq mein tote hamare

lagi hai shart dekhega palaT kar

hue sab taziye ThanDe hamare

yahin to dekhna hai waqt-e-mushkil

rahenge sath mein kitne hamare

shajar ki chashni us mein ghuli hai

samar koi nahin phike hamare

bulate hain tumhein din-raat kitna

qarine se saje kamre hamare

le aai ek jagah par hum ko qudrat

hue hain dur sab KHadshe hamare

chali hai waqt ne ye chaal kaisi

piTe ek bar mein mohre hamare

yahi sach tha safar se wapsi ka

kabhi wapas nahin lauTe hamare