irfan-o-agahi ke saza-war hum hue

irfān-o-āgahī ke sazā-vār ham hue

soyā paḌā thā shahr ki bedār ham hue

tā umr intizār sahī par ba-roz-e-hashr

achchhā huā ki tere talabgār ham hue

ham par vafā-e-ahd anal-haq bhī farz thā

is vāste ki mahram-e-asrār ham hue

Thahregī ek din vahī merāj-e-bandagī

jo baat kah ke aaj gunahgār ham hue

hote ga.e vo ḳhalq-farebī meñ hoshiyār

jitnā ki tajribe se samajhdār ham hue

nādān the ki masnad-e-irshād chhoḌ kar

halqa-ba-gosh-e-sīrat-o-kirdār ham hue

is daur-e-ḳhud-farosh meñ 'aḳhtar' ba-sad ḳhulūs

ḳhamyāza-sanj-e-jur.at-e-iz.hār ham hue

irfan-o-agahi ke saza-war hum hue

soya paDa tha shahr ki bedar hum hue

ta umr intizar sahi par ba-roz-e-hashr

achchha hua ki tere talabgar hum hue

hum par wafa-e-ahd anal-haq bhi farz tha

is waste ki mahram-e-asrar hum hue

Thahregi ek din wahi meraj-e-bandagi

jo baat kah ke aaj gunahgar hum hue

hote gae wo KHalq-farebi mein hoshiyar

jitna ki tajribe se samajhdar hum hue

nadan the ki masnad-e-irshad chhoD kar

halqa-ba-gosh-e-sirat-o-kirdar hum hue

is daur-e-KHud-farosh mein 'aKHtar' ba-sad KHulus

KHamyaza-sanj-e-jurat-e-izhaar hum hue