اس عالم پر درد میں دکھ سب کا خدا ہے

اس عالم پر درد میں دکھ سب کا خدا ہے

دل بارگہ دکھ میں عقیدت سے کھڑا ہے

اے شام نشیں رات کی تحویل میں آ جا

اک خواب تری راہ گزر دیکھ رہا ہے

دانستہ کبھی چھو کے وہ لذت نہیں پائی

جو لطف کسی لمس کے دھوکے سے ملا ہے

ساون کے پجاری سے کہو کیا ہی کرے گا

اس بار تو آنکھوں میں غضب کال پڑا ہے

وہ کوئی قیامت نہیں بس آفت جاں تھا

بے کار ترے شہر میں اک حشر بپا ہے

سب ہار دئے جانے کا غم چھوڑ یدھشٹھر

مادھو کی طرف سے یہ شبھارمبھ ہوا ہے