is bazm mein pate nahin dil-soz kisi ko

is bazm meñ paate nahīñ dil-soz kisī ko

yaañ sham.a hamārī hai na parvāna hamārā

kis ke ruḳh-e-raushan kā tasavvur hai ye dil meñ

hai manzil-e-ḳhurshīd siyah-ḳhāna hamārā

nāseh kī nasīhat se hai zid aur bhī dil ko

suntā nahīñ hoshyār kī dīvāna hamārā

dil le chuke phir bose kī takrār hai bhejā

do jins hī yā pher do bai.āna hamārā

ham zulf-e-pareshāñ kī tarah se haiñ pareshāñ

ab dam kī kashākash hai faqat shāna hamārā

sau ārzū-e-murda ko rakkhā hai jo dil meñ

takiya hai maqābir kā ye vīrāna hamārā

is bazm mein pate nahin dil-soz kisi ko

yan shama hamari hai na parwana hamara

kis ke ruKH-e-raushan ka tasawwur hai ye dil mein

hai manzil-e-KHurshid siyah-KHana hamara

naseh ki nasihat se hai zid aur bhi dil ko

sunta nahin hoshyar ki diwana hamara

dil le chuke phir bose ki takrar hai bheja

do jins hi ya pher do baiana hamara

hum zulf-e-pareshan ki tarah se hain pareshan

ab dam ki kashakash hai faqat shana hamara

sau aarzu-e-murda ko rakkha hai jo dil mein

takiya hai maqabir ka ye virana hamara