is be-KHudi mein ruKHsat KHuddari ho gai hai
is be-ḳhudī meñ ruḳhsat ḳhuddārī ho ga.ī hai
mushkil huī jo āsāñ dushvārī ho ga.ī hai
ik dāġh-e-dil pe bhī ab apnā nahīñ tasarruf
ye sab zamīn goyā sarkārī ho ga.ī hai
is bojh kī na pūchho gaThrī hai dil ye jis ko
jitnā kiyā hai halkā kuchh bhārī ho ga.ī hai
shikva nahīñ sitam kā par ab ye dekhtā huuñ
tum ko sitamgarī kī bīmārī ho ga.ī hai
koī talab na hasrat kuchh shauq hai na aadat
ab terī yaad merī lāchārī ho ga.ī hai
lahje kī pairvī se taptā hai 'mīr' koī
vo 'mīr' ḳhatm jis par fankārī ho ga.ī hai
is be-KHudi mein ruKHsat KHuddari ho gai hai
mushkil hui jo aasan dushwari ho gai hai
ek dagh-e-dil pe bhi ab apna nahin tasarruf
ye sab zamin goya sarkari ho gai hai
is bojh ki na puchho gaThri hai dil ye jis ko
jitna kiya hai halka kuchh bhaari ho gai hai
shikwa nahin sitam ka par ab ye dekhta hun
tum ko sitamgari ki bimari ho gai hai
koi talab na hasrat kuchh shauq hai na aadat
ab teri yaad meri lachaari ho gai hai
lahje ki pairwi se tapta hai 'mir' koi
wo 'mir' KHatm jis par fankari ho gai hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
