is darja bebasi hai koi ham-zaban nahin

is darja bebasī hai koī ham-zabāñ nahīñ

baiThe haiñ rah-guzar pe koī sā.ebāñ nahīñ

maazī kī yaad se hai juḌī zindagī kī Dor

ye hausla hai dil kā 'azāb-e-nihāñ nahīñ

logoñ kā haal mere vatan meñ 'ajīb hai

koī hai fāqa-kash to kisī ko amaañ nahīñ

zinda haiñ kis tarah se mire ham-vatan yahāñ

ummīd-e-raushnī kā jahāñ par nishāñ nahīñ

āl-e-‘abā ke dar se milī raushnī mujhe

varna shab-e-siyāh meñ is kā gumāñ nahīñ

ik maañ ke dam se ziist meñ raunaq thī barqarār

ab vo nahīñ to raunaq-e-bazm-e-jahāñ nahīñ

manzil ko pā sakegī bhalā kyā hamārī qaum

ik muntashir hujūm hai ye kārvāñ nahīñ

chhānī hai ḳhaak ham ne bahut kū-e-yār kī

'jā'far' is 'āshiqī se kisī ko amaañ nahīñ

is darja bebasi hai koi ham-zaban nahin

baiThe hain rah-guzar pe koi saeban nahin

mazi ki yaad se hai juDi zindagi ki Dor

ye hausla hai dil ka 'azab-e-nihan nahin

logon ka haal mere watan mein 'ajib hai

koi hai faqa-kash to kisi ko aman nahin

zinda hain kis tarah se mere ham-watan yahan

ummid-e-raushni ka jahan par nishan nahin

aal-e-‘aba ke dar se mili raushni mujhe

warna shab-e-siyah mein is ka guman nahin

ek man ke dam se zist mein raunaq thi barqarar

ab wo nahin to raunaq-e-bazm-e-jahan nahin

manzil ko pa sakegi bhala kya hamari qaum

ek muntashir hujum hai ye karwan nahin

chhani hai KHak hum ne bahut ku-e-yar ki

'ja'far' is 'ashiqi se kisi ko aman nahin