is daur mein aisa koi insan nahin hai

is daur meñ aisā koī insān nahīñ hai

jo sozish-e-pinhāñ se pareshān nahīñ hai

le Duubī tamannā-e-guhar mujh ko bhī yaaro

dariyā se ubharne kā ab imkān nahīñ hai

ham par hī bas ilzām lagā jalte dinoñ kā

ik talḳh haqīqat hai ye bohtān nahīñ hai

har gaam pe hai dil ke luTeroñ kā baserā

is raah pe chalnā koī āsān nahīñ hai

ehsās ke sāhil pe khaḌā soch rahā huuñ

lafzoñ ke samundar meñ vo tūfān nahīñ hai

bhañvre to bahut chaav se phir aate haiñ 'anjum'

aur aaj mirī mez pe gul-dān nahīñ hai

is daur mein aisa koi insan nahin hai

jo sozish-e-pinhan se pareshan nahin hai

le Dubi tamanna-e-guhar mujh ko bhi yaro

dariya se ubharne ka ab imkan nahin hai

hum par hi bas ilzam laga jalte dinon ka

ek talKH haqiqat hai ye bohtan nahin hai

har gam pe hai dil ke luTeron ka basera

is rah pe chalna koi aasan nahin hai

ehsas ke sahil pe khaDa soch raha hun

lafzon ke samundar mein wo tufan nahin hai

bhanwre to bahut chaw se phir aate hain 'anjum'

aur aaj meri mez pe gul-dan nahin hai