is dhup se kya gila hai mujhko

is dhuup se kyā gila hai mujh ko

saa.e ne jalā diyā hai mujh ko

maiñ nāla-e-sukūt sañg kā huuñ

sahrā ne bahut sunā hai mujh ko

maiñ lafz kī tarah be-zabāñ thā

ma.anī ne adā kiyā hai mujh ko

har sach kā nasīb sañg-sārī

aur sach hī se vāsta hai mujh ko

ḳhā.if nahīñ marg-e-nā-gahāñ se

siine kā vo hausla hai mujh ko

patthar pe mirī sadā kā saaya

ā.īna dikhā rahā hai mujh ko

āvāz de mujh ko tīrgī meñ

āvāz hī naqsh-e-pā hai mujh ko

is dhup se kya gila hai mujh ko

sae ne jala diya hai mujh ko

main nala-e-sukut sang ka hun

sahra ne bahut suna hai mujh ko

main lafz ki tarah be-zaban tha

mani ne ada kiya hai mujh ko

har sach ka nasib sang-sari

aur sach hi se wasta hai mujh ko

KHaif nahin marg-e-na-gahan se

sine ka wo hausla hai mujh ko

patthar pe meri sada ka saya

aaina dikha raha hai mujh ko

aawaz de mujh ko tirgi mein

aawaz hi naqsh-e-pa hai mujh ko