is ek baat mein hai meri dastan tamam

is ek baat meñ hai mirī dāstāñ tamām

suniye to sar se paañv talak huuñ zabāñ tamām

dar aa.e chor chāñd kā darvāza toḌ kar

din-bhar dhuāñ-dhuāñ sā rahā āsmāñ tamām

hoñToñ pe phuul hāthoñ meñ ḳhanjar liye hue

ghere mujhe khaḌe haiñ mire mehrbāñ tamām

bachche ne is adā se chavannī baḌhā.ī hai

jaise ki vo ḳharīd rahā ho dukāñ tamām

jin ko koī qubūl na kartā ho sharm se

likh do hamāre naam vo rusvā.iyāñ tamām

do-chār qahqahoñ meñ nikal jā.egī bhaḌās

siine meñ kyoñ sameT rahe ho dhuāñ tamām

hai zūd-goī jurm 'muzaffar' 'ilāj kar

yuuñ to na hogī āmad-e-tab'-e-ravāñ tamām

is ek baat mein hai meri dastan tamam

suniye to sar se panw talak hun zaban tamam

dar aae chor chand ka darwaza toD kar

din-bhar dhuan-dhuan sa raha aasman tamam

honTon pe phul hathon mein KHanjar liye hue

ghere mujhe khaDe hain mere mehrban tamam

bachche ne is ada se chawanni baDhai hai

jaise ki wo KHarid raha ho dukan tamam

jin ko koi qubul na karta ho sharm se

likh do hamare nam wo ruswaiyan tamam

do-chaar qahqahon mein nikal jaegi bhaDas

sine mein kyon sameT rahe ho dhuan tamam

hai zud-goi jurm 'muzaffar' 'ilaj kar

yun to na hogi aamad-e-tab'-e-rawan tamam