is ek baat pe rah rah ke din guzare hain

is ek baat pe rah rah ke din guzāre haiñ

kisī ke ho na sake ham so ab tumhāre haiñ

hai lahar-lahar terā rāsta ḳhudā hāfiz

hamārā kaam yahīñ tak thā ham kināre haiñ

hai ik jahān kā bār-e-garāñ hamāre sar

so do jahān tere dosh ke sahāre haiñ

jo prem jhiil meñ bikhre hue haiñ dil kankar

kisī ke hijr ne ye pāniyoñ pe maare haiñ

vo log ḳhvāb bharī aañkh le kar aa.e the

ab un ke haath meñ TuuTe hue sitāre haiñ

is ek baat pe rah rah ke din guzare hain

kisi ke ho na sake hum so ab tumhaare hain

hai lahar-lahar tera rasta KHuda hafiz

hamara kaam yahin tak tha hum kinare hain

hai ek jahan ka bar-e-garan hamare sar

so do jahan tere dosh ke sahaare hain

jo prem jhil mein bikhre hue hain dil kankar

kisi ke hijr ne ye paniyon pe mare hain

wo log KHwab bhari aankh le kar aae the

ab un ke hath mein TuTe hue sitare hain