is gham-kade se kuchh na laga hath hamare

is ġham-kade se kuchh na lagā haath hamāre

āh-e-dil-e-sozāñ hī chalī saath hamāre

dard-o-ġham-o-andoh-o-alam nāla-e-jāñ-kāh

haiñ dushman-e-jānī sabhī yak zaat hamāre

jis ghaat se dil tū ne liyā yaar hamārā

afsos ki haath aa.ī na vo ghaat hamāre

ḳhatra na karo aao milo shauq se pyāre

jo samjhe ho dil meñ nahīñ vo baat hamāre

kyā ham ne bigāḌā falak-e-sifla kā 'joshish'

kyuuñ darpai-e-īzā hai ye din raat hamāre

is gham-kade se kuchh na laga hath hamare

aah-e-dil-e-sozan hi chali sath hamare

dard-o-gham-o-andoh-o-alam nala-e-jaan-kah

hain dushman-e-jaani sabhi yak zat hamare

jis ghat se dil tu ne liya yar hamara

afsos ki hath aai na wo ghat hamare

KHatra na karo aao milo shauq se pyare

jo samjhe ho dil mein nahin wo baat hamare

kya hum ne bigaDa falak-e-sifla ka 'joshish'

kyun darpai-e-iza hai ye din raat hamare